Download Easy Tax with Anticipatory ( 2 in 1 Software) Updated on 05 Feb 2024 2023-24 വർഷത്തേക്കുള്ള ആദായ നികുത് സോഫ്റ്റ് വെയർ അല്പം പരി...
Download Easy Tax with Anticipatory (2 in 1 Software)
Updated on 05 Feb 2024
2023-24 വർഷത്തേക്കുള്ള ആദായ നികുത് സോഫ്റ്റ് വെയർ അല്പം പരിഷ്കരിച്ച് പ്രസിദ്ധീകരിച്ചിരിക്കുന്നു. ആൻറിസിപ്പേറ്ററി സ്റ്റേറ്റ്മെൻറും ആദായ നികുതി സ്റ്റേറ്റ്മെൻറും ഒറ്റ സോഫ്റ്റ് വെയറിൽ തന്നെ ഉൾക്കൊള്ളിച്ചിരിക്കുന്നു. ആയത് കൊണ്ട് ഓരോന്നിനും വ്യത്യസ്ത ഡാറ്റാ എൻട്രികൾ ആവശ്യമില്ല. ഒരു വർഷത്തിൽ ഒരിക്കൽ മാത്രം ഡാറ്റ എൻറർ ചെയ്താൽ മതി. പിന്നീട് വേണ്ട മാറ്റങ്ങൾ മാത്രം വരുത്തിയാൽ മതി..
2023 ഡിസംബർ 24 ന് സോഫ്റ്റ് വെയറിൽ ഏറ്റവും പുതിയ മാറ്റങ്ങൾ വരുത്തിയിട്ടുണ്ട്. ന്യൂ റജിമിൽ 87എ വകുപ്പ് പ്രകാരമുള്ള റിബേറ്റിന് പുറമെ മാർജിനൽ റിലീഫ് എന്ന ഒരു കിഴിവും കൂടി ബജറ്റിൽ ഭേദഗതി വരുത്തി ഉൾക്കൊള്ളിച്ചിട്ടുണ്ട്. ഇതുകൂടി ഈസിടാക്സിൽ അപ്ഡേറ്റ് ചെയ്തിട്ടുണ്ട്. ആയത് കൊണ്ട് എല്ലാവരും ഈസിടാക്സ് വേർഷൻ 24.02 ഡൗൺലോഡ് ചെയ്ത് ഉപയോഗിക്കുക.
നേരത്തേ തന്നെ സോഫ്റ്റ് വെയർ ഡൗൺലോഡ് ചെയ്ത് ഡാറ്റ എൻറർ ചെയ്തവർ വിഷമിക്കേണ്ടതില്ല. നിങ്ങൾക്ക് ഡാറ്റ നഷ്ടപ്പെടാതെ തന്നെ പുതിയ വേർഷനിലേക്ക് അപ്ഡേറ്റ് ചെയ്യാവുന്നതാണ്.
1. ആദ്യത്തെ സോഫ്റ്റ് വെയറിനെ Rename ചെയ്ത് മറ്റൊരു പേര് നൽകുക (അല്ലെങ്കിൽ പുതിയ സോഫ്റ്റ് വെയർ മറ്റൊരു ലൊക്കേഷനിലേക്ക് ഡൗൺലോഡ് ചെയ്താലും മതി)
2. എന്നിട്ട് പുതിയ സോഫ്റ്റ് വെയർ ഡൗൺലോഡ് ചെയ്യുക.
3. അതിന് ശേഷം പുതിയ സോഫ്റ്റ് വെയറിൽ ഹോം പേജിൽ Proceed ബട്ടൺ അമർത്തി അടുത്ത വിൻഡോയിൽ ഇടത് വശത്തായി കാണുന്ന Import From Old Version എന്ന മഞ്ഞ ബട്ടണിൽ അമർത്തുക.
4. തുടർന്ന് വരുന്ന വാണിംഗ് മേസേജിൽ Proceed ബട്ടൺ അമർത്തുക
5. തുടർന്ന് പഴയ ഈസിടാക്സ് ലൊക്കേറ്റ് ചെയ്യുന്നതിനുള്ള വിൻഡോയിൽ നേരത്തെ റീനെയിം ചെയ്ത ഫയൽ സെലക്ട് ചെയ്ത് Open എന്ന ബട്ടണിൽ അമർത്തുക.
6. തുടർന്ന് All Data from Old Version is imported to this version എന്ന മെസേജ് പ്രത്യക്ഷപ്പെടും. ഇതോടെ പഴയ ഡാറ്റയോടു കൂടിയ പുതിയ വേർഷൻ നിങ്ങൾക്ക് ഉപയോഗിച്ചു തുടങ്ങാം
അരിയർ സാലറി ലഭിച്ചവർക്ക് അരിയർ റിലീഫ് കാൽക്കുലേറ്റ് ചെയ്യുന്നതിനുള്ള Relief Calculator എന്ന സോഫ്റ്റ് വെയറും പബ്ലിഷ് ചെയ്യുന്നു. ഇതിൽ നിന്നും ലഭിക്കുന്ന കാൽക്കുലേഷനുകൾ കൃത്യമായി പരിശോദിക്കുക. സോഫ്റ്റ് വെയർ ട്രയൽ വേർഷനാണ്. തെറ്റുകൾ കണ്ടെത്തി പരിഹരിക്കേണ്ടതുണ്ട്.
